اللي باقي - جوايا .. حروف الحياة

قلب حزين مع دمعتين
كل اللي باقي من سنين
لا
ولا ذكريات ولا حلم مات

لا ولا انكسرت فيا حاجات

أنا كنت عارف ده في سكات
هو أنتِ يعني غير كل البنات
!؟

..............

جوايا - حروف الحياة

جــــــــــــــــــوايـــا
حروف الحياة بتنطق .. تقول انتِ
حروف الحياة بتنده .. وفين كنتِ
ده كل الحياة فيكِ .. بس أنتِ تكوني
ولا يوم تخوني
ولا تبعدي
وتصوني حلمي
توعدي ؟
تفضلي جمبي هنا
ولا يوم يفارقنا الهوى
ولا يوم نفارق بعضنا
تتحملي
وتكملي
مشوار بدايته خطوتك ؟

حروف الحياة لقيتها في اسمك
ولقيتها في رسمك
لقيتها في عينيكِ
في ضيك
وهو مين زيك ؟
ومين غيرك ؟
ومن غيرك هي الحياة تتعاش ؟

ده أنا كل ما أمسك قلمي
وأكتب حروف غيرك
ألاقيني بشتاقلك
وقلمي يندهلك
يـغـنـيـلـك
وأسرح أنا في ليلك
وفي حسن تصويرك
وأسرح كمان فيا
وشوية بشوية
أسأل
هي الفرحة كده ممكن تيجي ببلاش ؟